Жол апатынан жедел жәрдем қызметкері көліктен ұшып кетті. Оқиға Ресейдің Ярославл қаласында 30 қаңтарда болған, - деп хабарлайды РИА Новости.
Видеобақылау камерасына түсірілген видеода жеңіл көліктің қиылыста жедел жәрдем көлігін соққаны көрінеді. Соққыдан газельдің артқы есігі ашылып кетіп, дәрігерлердің бірі ұшып кетеді.
Жол апаты салдарынан медициналық бригаданың бірнеше мүшесі жарақат алды. БАҚ мәліметінше, жедел жәрдем жол-көлік оқиғасы кезінде шақыртуға асығып бара жатқан. Жеңіл көлік жүргізушісінің аяғы сынып кеткен.
