+7 (777) 001 44 99
Қазақша
Русский
English
Синдзо Абэ Жапония премьер-министрінің қызмет ету мерзімінде ел тарихында рекорд орнатты, - деп хабарлайды РИА Новости.
Синдзо Абэнің үкімет басында отырғанына 2887 күн болған. Ел үкіметін басқаруға құқығы бар, Либерал-демократиялық партияның басшысы бұл қызметінде 2021 жылға дейін жұмыс істейді.
"Партия төрағасы қызметінде әлі екі жыл жұмыс істеймін. Бар жауапкершілікті сезіне отырып, бар күш-жігерімді саяси мәселелерді шешуге жұмсаймын", - дейді премьер.
Маңызды мәселелердің бірі деп ол елдің дефляциядан шығуы екенін атап өтті. Сонымен қатар, премьер-министр елдегі туу деңгейінің төмендеуі, соғыстан кейін шешілмеген дипломатиялық проблемалар мен елдің конституциясын реформалау мәселелерін де айта кетті.
