+7 (777) 001 44 99
Қазақша
Русский
English
11 қыркүйекке қараған түні Запорожье АЭС-інде соңғы энергоблок жұмысы тоқтатылды. Станция толығымен токтан ажыратылған. Бұл туралы украиналық "Энергоатом" компаниясы хабарлады, - деп хабарлайды Tengrinews.kz тілшісі.
"Қазір оны салқындату және суық күйге көшіруге дайындық жүріп жатыр", - деп хабарлады компания.
Алтыншы энергоблок соңғы үш тәулікте аралдық режимде жұмыс істеген, ол тек ЗАЭС-тің жеке қажеттіліктерін өте төмен қуат деңгейінде – 114-тен 140 МВт-қа дейін қамтамасыз еттіп тұрған. Бұл снарядтарға байланысты.
"Кеше түнде осы байланыс желілерінің бірінің жұмысын қалпына келтіргеннен кейін ЗАЭС-тің жеке қажеттіліктерін электрмен жабдықтау Украинаның энергетикалық жүйесінен жүргізілді. Сондықтан, №6 энергоблокты өшіріп, оны ең қауіпсіз күйге – салқын күйге көшіру туралы шешім қабылданды", - деп жазады "Энергоатом".
Бір күн бұрын Атом энергиясы жөніндегі халықаралық агенттік (МАГАТЭ) Запорожье АЭС-інде оқ ату салдарынан ядролық апат қаупі айтарлықтай артқанын хабарлаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
