Украинада 22 қыркүйекте президент Владимир Зеленскийдің бірінші көмекшісі Сергей Шефирге қастандық жасалды. Украинаның Ұлттық полициясы Facebook-парақшасында қарулы шабуылдан кейінгі көліктің суретін жариялады, - деп хабарлайды Tengrinews.kz тілшісі.
Украинаның Ішкі істер министрлігі мәліметінше, президенттің бірінші кеңесшісі Сергей Шефирдің көлігіне шабуыл жергілікті уақыт бойынша сағат 10.00 (Нұр-Сұлтан уақыты бойынша 13.00) шамасында Лесники ауылы маңында жасалған.
Жалпы қылмыскерлер көлікке 10-нан аса оқ атып, жүргізушіні жаралаған.
Бұған дейін 22 қыркүйекте Украина президенті Владимир Зеленскийдің кеңесшісі Сергей Шефирге қастандық жасалғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
