+7 (777) 001 44 99
Қазақша
Русский
English
Ресей жемқорлықпен күресу үшін ешқандай шаралар қабылдамайтын елдердің тізіміне енді, - деп хабарлайды Tengrinews.kz тілшісі Lenta.ru басылымына сілтеме жасап.
Сарапшылардың сөзіне қарағанда, Ресейде 2014-2017 жылдар аралығында шетелдік лауазымды тұлғаларды парамен сатып алу дерегі бойынша бірде-бір қылмыстық іс қозғалмаған. Онымен қоса, заңнамада пара беру немесе пара ұсыну жайлы әрекеттерге ешқандай жаза қарастырылмағаны анықталған.
"Ресей сот әділдігіне келгенде өте мықты. Бірақ онда сот шешімдерінің хаттамалары көбіне интернетте жарияланбайды. Ал ресейлік компаниялардың шетелден келген лауазымды тұлғаларға пара берумен күресу мәселесі әлі өзгеріссіз, алға жылғу жоқ. Ресей басшылығының ол проблеманы шешуге қызығушылық танытып жатқаны байқалмайды", - дейді заңгер Григорий Машанов.
Басылымның мәліметінше, Ресейден басқа бұл тізімде Жапония, Оңтүстік Корея, Польша, Түркия, Қытай елдері бар.
