23 сәуір 2021 | 16:30

Зимбабве 500 африкалық пілді өлтіруге лицензия сатпақ

Фото ©REUTERS

Зимбабве жойылу алдында тұрған 500 африкалық пілді атуға лицензия сататын болды, - деп хабарлайды Business Day.

Зимбабвенің Саябақтар мен жабайы табиғат басқармасының өкілі Тинаше Фараво коронавирус пандемиясына байланысты туристік табыстың төмендеуі осы қадамға барудың бір себебі болғанын айтты.

"Біздің бюджетіміз - шамамен 25 миллион доллар, ол ішінара спорттық аңшылықтан түскен ақша, бірақ қазір коронавирус пандемиясына байланысты туризм тоқтап тұрғанын білесіздер", - деді Фараво.

Ел билігі мұндай мәлімдемені африкалық орман пілі жойылып кету қаупі бар жануарлардың қатарына кірген соң бірнеше аптадан кейін жасады.

Табиғи ресурстарды басқару орталығы Зимбабвенің қоршаған ортаны қорғау және адам құқықтары жөніндегі тобының баспасөз хатшысы Симисо Млеву бұл шешімді қолдамады.

"Біз жабайы жануарларды шағыстырып, адам мен жабайы табиғат арасындағы қақтығыстарды күшейтетін олжалы аңшылыққа наразымыз", - деді ол.

Оның пікірінше, ел бюджетіне кірісті ұлғайту үшін инновациялық және экологиялық қауіпсіз шаралар қажет.

Зимбабве - аймақта пілдерді ақылы ұстау рұқсат етілген жалғыз ел емес. Мысалы желтоқсанда Намибия қорықтардағы жануарлардың көп болуына және елдегі құрғақшылық салдарынан 170 жабайы пілді сатылымға шығарған еді.

Африка пілі - жер бетіндегі ең ірі жер жануары.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Африка соңғы жаңалықтар Экология Қызыл кітап