+7 (777) 001 44 99
ПОДЕЛИТЬСЯ
Қазақстандық кәсіпқой боксшы Айдос Ербосынұлы спорттық мансабындағы үшінші жекпе-жегін Алматы қаласында өткізетін болды. Бұл туралы боксшының "Вконтакте" желісіндегі парақшасы хабарлап отыр.
Қазақстандық кәсіпқой боксшы Айдос Ербосынұлы спорттық мансабындағы үшінші жекпе-жегін Алматы қаласында өткізетін болды. Бұл туралы боксшының "Вконтакте" желісіндегі парақшасы хабарлап отыр.
Айдос Ербосынұлы 2015 жылы кәсіпқой боксқа ауысқан еді. Осыған дейін екі жекпе-жек өткізіп, екеуін де мезгілінен бұрын аяқтаған болатын. 72,6 келі салмақ дәрежесінде шаршы алаңға шығатын отандасымыз 30 қаңтар күні ресейлік Дмитрий Антиповпен жұдырықтасады. Ол осыған дейін 10 кездесу өткізіп, төртеуінде ғана жеңіске жеткен. 6 жекпе-жегінде жеңіліс тапқан.
Айдос Ербосынұлы мен Дмитрий Антипов арасындағы жекпе-жек 6 раундқа жоспарланған. Алматыдағы өтетін орны хабарланған жоқ.
Айта кетейік, қазақстандық боксшының кәсіпқой рингтегі жекпе-жектерін "Fight Promotions" промоутерлік компаниясы ұйымдастырады. Бүгінде бұл компания келісімшарты бойынша қазақстандық тағы бір боксшы Дәурен Елеусінов те кәсіпқой бокс аренасында бақ сынап жүр.
