+7 (777) 001 44 99
ПОДЕЛИТЬСЯ
Бұрынғы Өңірлік даму министрі Болат Жәмішев "Қазақстан Даму Банкі" ұжымына басшы ретінде таныстырылды, - деп хабарлайды Tengrinews.kz тілшісі "Бәйтерек" холдингінің сайтына сілтеме жасап.
Бұрынғы Өңірлік даму министрі Болат Жәмішев "Қазақстан Даму Банкі" ұжымына басшы ретінде таныстырылды, - деп хабарлайды Tengrinews.kz тілшісі "Бәйтерек" холдингінің сайтына сілтеме жасап.
"Бәйтерек" ұлттық басқарушы холдингі» АҚ Басқарма төрағасы Қуандық Бишімбаев "Қазақстан Даму Банкі" АҚ ұжымын жаңа басшы – бұған дейін Қазақстан Республикасының өңірлік даму министрі болып келген Болат Жәмішовпен таныстырды", - делінген хабарламада.
Болат Жәмішовтің кандидатурасы Қазақстан Даму Банкінің директорлар Кеңесі отырысында мақұлданды.
Еске сала кетейік, "ҚДБ" басшысы болуды Жәмішевке Қазақстан Президенті Нұрсұлтан Назарбаев Үкіметтің 6 тамыз күні өткен кеңейтілген отырысында ұсынған еді. Сол күні Елбасы Үкіметтің қайта құрылғанын мәлімдеген болатын.
Болат Жәмішев ҚР Өңірлік даму министрі қызметіне 2013 жылдың 3 қарашасында тағайындалды. Оған дейін ол алты жыл бойы Қаржы министрі қызметін атқарды. Жәмішев әр жылдары Ұлттық банкте жұмыс істеді, ҚР Еңбек және халықты әлеуметтік қорғау министрлігінің Ұлттық зейнетақы агенттігінің төрағасы, ҚР Еңбек және халықты әлеуметтік қорғау вице-министрі, ҚР Қаржы вице-министрі, ҚР Ішкі істер вице-министрі, ҚР Ұлттық банкі төрағасының орынбасары, ҚР Қаржы нарығы мен қаржы ұйымдарын реттеу және бақылау агенттігінің төрағасы, Еуразия Даму Банкі Басқарма төрағасының орынбасары болды.
