+7 (777) 001 44 99
ПОДЕЛИТЬСЯ
Қазақстандағы Адам құқықтары жөніндегі уәкіл қыз ұрлау оқиғасына қатысты мәлімдеме жасады, - деп хабарлайды Tengrinews.kz тілшісі.
Қазақстандағы Адам құқықтары жөніндегі уәкіл қыз ұрлау оқиғасына қатысты мәлімдеме жасады, - деп хабарлайды Tengrinews.kz тілшісі.
Адам құқықтары жөніндегі уәкілдің Шымкент қаласы бойынша өкілі қыз ұрлау ісі бойынша тергеуді қолына алғанын айтты, бұл іс оның бақылауында.
"Адам құқықтары жөніндегі уәкілдің кеңсесі тұрмыстағы зорлық-зомбылық пен әйелдердің құқығының бұзылуы проблемасын талдап жатыр. Мәжбүрлі түрде күйеуге шыққан қыздар көбінесе серіктестері тарапынан жыныстық, физикалық және психологиялық зорлық-зомбылықтың құрбаны болады. Кейде мәжбүрлі күйеуге беру қыздарды білім мен мамандық алу мүмкіндігінен айырады, бұл олардың онсыз да осал жағдайын одан әрі қиындатады. Шымкенттегі іс шектен шығып жатыр, бақылауға алдық", - деп атап өтті Қазақстан Республикасындағы Адам құқықтары жөніндегі уәкілі Артур Ластаев.
Омбудсмен бұған дейін осындай қылмыстар үшін жекелеген бапты енгізуге және жәбірленуші ерікті түрде босатылған жағдайда қылмыстық жауаптылықтан босатуды көздейтін Қылмыстық кодекстің 125-бабына ескертпені алып тастауға қатысты заңнамаға түзетулер енгізілгенін атап өтті.
Еске салайық, қаңтардың ортасында Шымкентте Маңғыстау облысының тумасы, 22 жастағы ер адам онымен некеге тұру үшін қызды ұрлап кеткен. Оқиға таңертең көшенің ортасында болды, ал жәбірленуші мен ер адам жеке таныс емес еді. Күдікті ұсталды және қамауға алынды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
