+7 (777) 001 44 99
ПОДЕЛИТЬСЯ
Қазақстанда шетелдік автокөліктерді заңдастырудың аяқталуына екі апта қалды, - деп хабарлайды Tengrinews.kz тілшісі.
Қазақстанда шетелдік автокөліктерді заңдастырудың аяқталуына екі апта қалды, - деп хабарлайды Tengrinews.kz тілшісі.
16 маусымдағы жағдай бойынша 161 мың автокөлік заңдастырылды, тағы 13 мыңнан астамы тіркеуді күтіп отыр.
Сондай-ақ 22 мамырдан бастап 7 мыңға жуық автокөлік-конструктор қазақстандық есепке қойылды.
"Өздеріңіз білетіндей, заңдастыру аяқталғанға дейін екі апта қалды (1 шілдеге дейін). Көп азамат өз көліктерін заңдастыруға үлгермей қалуымыз мүмкін деген алаңдап жатыр. Осыған байланысты 1 шілдеге дейін өтінім берген Қазақстанның барлық азаматына көрсетілген мерзімнен кейін автокөліктертерді заңдастыру құқығы берілетінін хабарлағым келеді.
Бұдан басқа Еуразиялық экономикалық одақ елдерінде бұрынғы тіркелген жері бойынша есептен шығарылмаған және осы себепті заңдастырылмаған автокөліктерге келсек, аталған көлік иелеріне оларды Қазақстан Республикасында 5 жыл мерзімге уақытша есепке қою құқығы беріледі. 1 шілдеден бастап заңдастыруға өтінімдерді қабылдау тоқтатылады және заңдастыру мерзімі ұзартылмайтынын ескертеміз. Одан кейін шетелдік есепте тұрған автокөліктерді Қазақстан Республикасының заң талаптарын бұзып пайдалануды жалғастырған азаматтарға тиісті шаралар қабылданады", – деді ҚР ІІМ ӘПК төрағасы Қайсар Сұлтанбаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
