Бүгін, 29 қаңтарда "Алматы Арена" мұз айдынында XXVIII Халықаралық қысқы Универсиаданың ашылу салтанаты өтеді, - деп хабарлайды Vesti.kz қазақ бөлімі.
Ашылу салтанатын тікелей эфирден "Хабар" арнасы көрсетеді, сонымен қатар тікелей эфирді телеарнаның сайтынан мына сілтеме бойынша көре аласыздар. Басталуы Астана уақыты бойынша 18:55-те.
FISU Халықаралық студенттер спорты федерациясының президенті Олег Матыцинның айтуынша, барлық қонақ пен көрерменді әсерлі шоу күтіп тұр, онда Алматы мен Қазақстанның құндылықтары көрсетіледі. Ашылу салтанатына кіру билеттері құны - 15 мың теңге.
Айта кетейік, Универсиаданың ресми түрде ашылу салтанаты 29 қаңтарда сағат 19:00-де басталады. Қазақстанның атынан спорттың 12 түрінен 171 спортшы қатысады.
