Денис Тен Шанхайдағы әлем чемпионатының қола жүлдегері болды

28 Наурыз 2015, 19:49
3
Денис Тен Шанхайдағы әлем чемпионатының қола жүлдегері болды - Денис Тен. ©Dailyherald.com
Денис Тен. ©Dailyherald.com

Денис Тен Шанхайдағы әлем чемпионатында 3-орын алды, - деп хабарлайды Tengrinews.kz тілшісі. 

Қазақстандық мәнерлеп сырғанаушы еркін бағдарламада 181,83 балл алды. Оның қорытынды есебі - 267,72 балл. Осылайша, Денис Тен қысқа бағдарламада қола медальға, еркін бағдарламада алтын медальға ие болды. Жалпы есепте отандасымыз қола медальді қанжығасына байлады.

Ал испан мәнерлеп сырғанаушысы Хавьер Фернандес (273.90 балл) алтын медальға ие болды. Екінші орында - жапон Юдзуру Ханю (271.08).

Әлем біріншілігі Шанхайда 23 наурызда басталды. Әлем чемпионатының қысқа бағдарлама бойынша қорытындысында Денис Тен үшінші орыннан көрінген болатын. Қазақстанның мәнерлеп сырғанаушысы 85,89 балл алды. Бұл көрсеткіш спортшыны бірінші орынға шығарды, бірақ алда әлі төрт атлеттің өнері бар еді. Нәтижесінде испан Хавьер Фернандес (92,74 балл) пен жапон Юдзуру Ханю Денис Теннің алдын орады. Айта кетейік, соңғысы қысқа бағдарлама бойынша бірінші орын алды.

Еске сала кетейік, Денис Тен 2015 жылы Сеулдегі "Төрт құрлық турнирін" жеңіп шыққан еді. Қазақстандық мәнерлеп сырғанаушы қысқа бағдарлама бойынша 97,61 баллмен жеңген еді. Бұдан кейін ол еркін бағдарлама бойынша да үздік нәтиже көрсетті. Денис Тен екі күннің қорытындысы бойынша спорт маусымының үздік нәтижесіне қол жеткізді - 289,46 (97,61 + 100,45 + 91,40). Екінші орынды АҚШ спортшысы Джошуа Фаррис алды. Ол қысқа бағдарламадан кейін бесінші орында ғана еді - 260,01, үштікті болса Қытай азаматы Янь Хань қорытындылады. Соңғы спортшы да бірінші бағдарламада алдыңғы орындардан көріне алмаған болатын - 259,47. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай