Орта салмақта өнер көрсететін қазақстандық файтер Арман Оспанов (10-3) UFC ұйымындағы бірінші кездесуін жыл соңына дейін өткізуі мүмкін. Бұл туралы ресейлік спорт тілшісі Игорь Лазорин Instagram-парақшасында жазды, - деп хабарлайды Vesti.kz.
Оның мәліметі бойынша, спортшы АҚШ-та жұмыс визасын жасатып жатыр екен.
"Арман Оспанов қазіргі таңда АҚШ-та. Оған жұмыс визасы жасалып жатыр. 2021 жылға дейін ол UFC ұйымында бірінші кездесуін өткізуі мүмкін", - деп жазды Лазорин.
Айта кетейік, Оспановтың менеджері - Әли Абдель-Азиз. Ол танымал ресейлік Хабиб Нурмагомедовтің де менеджері.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!