+7 (777) 001 44 99
Түркістанда полицейлер жол қозғалысы ережелерін бұзған той кортежін тоқтатты, деп хабарлайды Tengri Auto.
Полиция мәліметінше, кортеж құрамындағы бірнеше көлік қозғалыстың өзге қатысушыларына кедергі келтіріп, қауіпті маневрлер жасаған. Полиция қызметкерлері көліктерді тоқтатып, жүргізушілердің әрекетін тексерді.
Instagram-дағы бұл жарияланымды көру
Ведомствоның хабарлауынша, дер кезінде араласудың арқасында ықтимал жол-көлік оқиғасының алды алынды.
Тексеру қорытындысы бойынша BMW, Toyota және Mercedes-Benz автокөліктерінің жүргізушілері әкімшілік жауапкершілікке тартылды. Заңбұзушылықтар жолаушыларды тасымалдау ережелеріне, қауіпсіздік белдіктерін қолдануға және маневр жасау талаптарына қатысты болды.
Сондай-ақ кортеж қатысушыларымен профилактикалық әңгіме жүргізіліп, жол қозғалысы ережелерін сақтау қажеттілігі ескертілді.
Бұған дейін Оралда жол ережесін бұзған той кортежі анықталғаны хабарланған болатын.
Тағы оқыңыз: Alphard-тар назарда: тасжолдарда рөлі оң жақтағы және басқа да көліктерге рейдтер басталды
