1. Басты
  2. Біл
  3. Спорт
  4. Спорт

Қазақстандық балуан Азия чемпионы атанды

Данияр Қайсанов. Фото: olympic.kz Данияр Қайсанов. Фото: olympic.kz

Үндістан астанасы Нью-Делиде күрес түрлерінен өтіп жатқан Азия чемпионатында қазақстандық балуан жеңімпаз атанды, - деп хабарлайды Olympic.kz.

74 келіге дейінгі салмақта белдескен балуан Данияр Қайсанов жарыс барысында қарсылас шақ келтірмеді. Шешуші кездесуде ол Үндістан спортшысын 3:1 есебімен жеңіп, еркін күрестен ел қоржынына алғашқы "алтынды" салды. Ол жартылай финалда жапон балуаны Даичи Такатаниді, ширек финалда ирактық Карам Шакирді ұтты.

Айта кетейік, Данияр Қайсанов былтыр Қытайдың Сиян қаласында өткен құрлық біріншілігінде жеңімпаз атанған болатын. Сондай-ақ, Нұр-Сұлтанда өткен әлем біріншілігінде 74 келіге дейінгі салмақта Олимпиада лицензиясына иелік етті.