Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Қазақстандық дизайнерлер Олимпиада ойындарына арналған киімге қатысты пікір айтты

19 Ақпан 2016, 13:14
2
© Vesti.kz
© Vesti.kz

Қазақстандық дизайнерлер Қазақстан құрамасының Олимпиада ойындарына арналған киіміне қатысты пікір айтты, - деп хабарлайды Tengrinews.kz тілшісі. Спорт киімдері Астанада кеше таныстырылған болатын. Алайда формаға өзгеріс енгізілетін болды. Қорытынды нұсқаның келесі аптада таныстырылатыны да айтылды. 

Жаңа форманы көпшілік дереу сынай бастады. Мәселен, модельер Сәкен Жақсыбеков Tengrinews.kz тілшісімен сұхбатында түстер реңкі мен костюмдердің тігісіне ескерту жасады. Оның пікірінше, Олимпиадаға киіп шығатын форма Қазақстан құрамасының ұлттық ерекшеліктерін ашпайды. 

"Біріншіден, пішімі өте нашар. Модельдер кигенде денеге сәйкес "отырмайды". Белгілі бір спортшының физикалық сымбатын есепке алу керек. Меніңше, түстер реңкі тіпті де дұрыс таңдалмаған, бұл түс гаммалары Швецияның түсіне ұқсайды. Сосын Олимпиада ойындарының Риода өтетінін ескеру керек, аяқ киімді жеңіл етіп, формаға бас киімді қосу керек. Колористика жоқ және ұлттық символикамен байланысты таппайсыз. Көк көйлек - too much. Басқаша жасауға болар еді. Бізден, дизайнерлерден кеңес сұраса, біз қуана-қуана көмектесер едік", - дейді Сәкен Жақсыбеков. 

"Құралай" сән үйінің негізін қалаған Құралай Нұрқаділова да Қазақстан құрамасының костюмдеріне қатысты пікірін айтып өтті. Алайда ол қатты сынай жөнелмеді. Еске салайық, Нұрқаділова 2008 жылы Бейжіңде және 2012 жылы Лондонда өткен Олимпиада ойындарына киіп шығатын шеру формасын тігіп берген болатын.  

"Біржақты пікірімді айтар бослам, біздің еліміз әлемдік қауымдастықта жас мемлекет саналады, формада байрағымыздың түстер гаммасы қала бергенін қалаймын. Бұл түс біздің Тәуелсіздігіміздің символы. Сондықтан Олимпиада сияқты айтулы оқиғаларда Қазақстан сәйкес түстес киімін көрсетуі керек. Иә, кейбіреулер сары мен көктің Украинаның түсі екенін айтады, бірақ ұқсатпау үшін араластырып көру керек, түстер өте ұқсайды. (...) Мен қандай идея айтылса да шығармашылықтың адамы болғандықтан оны қолдаймын. Оның үстіне өзгерткелі де жатыр екен. Киімді өндіргендерді сөге бермеу керек", - деді Құралай Нұрқаділова. Нұрқаділова тіпті шеру формасындағы ыңғайлы аяқ киімді мақтады.  

Оның айтуынша, қазір ол Рио-де-Жанейрода қазақстандық ту ұстаушының костюмін дайындап жатыр екен. 

Tengrinews.kz редакциясы Қазақстан құрамасының әр Олимпиада ойындарына қандай киімдергі киіп шыққанын еске салу мақсатында суреттерден жинақ жасады. 


© "Құралай" сән үйі ұсынған сурет


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай