Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қазіргі бессайыстан Амангелді Иманов мемориалы өтеді

03 Шілде 2014, 13:21
0
Фото pentathlon.kz сайтынан
Фото pentathlon.kz сайтынан

10-16 шілде күндері Қапшағай қаласында (Алматы облысы) қазіргі бессайыстан ҚР жазғы ашық чемпионаты аясында "Амангелді Иманов мемориалы" халықаралық турнирі өтеді, - деп хабарлайды Tengrinews.kz.

Алматы облысындағы бессайысшылар сыны жазғы Азия ойындарының електік турнирі болып табылады. Яғни бұл турнир рейтингтік сайыс болғандықтан, бессайысшылардың "Амангелді Иманов мемориалында" жинаған ұпайлары қыркүйек айында Оңтүстік Кореяның Инчхон қаласында өтетін XVII жазғы Азия ойындарына іріктеп алуға әсерін тигізеді.

Осындай маңызы бар ашық біріншілікке Қазақстан мен Қырғызстаннан барлығы 60-қа жуық бессайысшы қатысады.

"Биыл екі елдің бессайысшыларының ғана қатысатындығы әртүрлі жағдайларға байланысты болып тұр. Мысалы, көптеген спортшылар Венгрияда өтетін Еуропа чемпионатында бақ сынайды. Ал "Сарықұрлықтың" бесайысшылары алдағы Азия ойындарына жан-жақты дайындалып жатыр. Қазіргі спорттық баптарының қандай деңгейде екендігін көрсеткілері келмейтіндей. Дегенмен біздің спортшылар үшін бұл өте маңызды сын болып саналады", – дейді қазіргі бессайыстан еліміздің мемлекеттік жаттықтырушысы Оксана Дмитриенко.

Әйтсе де, төрт жылда бір өтетін Азия ойындарына Қазақстан құрамасы дәл осы мемориалдан кейін жасақталмайды. Алда тағы бір електік сын бар. Ол – Қазақстан кубогы аясындағы "Үздіктер турнирі".

Одан кейін Азияның маңдайалды бессайысшыларының бәрі 30 тамыздан 10 қыркүйекке дейін Варшавада (Польша) өтетін әлем чемпионатына қатысуы керек. Ал XVII жазғы Азия ойындары 19 қыркүйек - 4 қазан аралығында Оңтүстік Кореяда өтеді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай