75 келіге дейінгі салмақта күресетін қазақстандық Гюзель Манюрова Рио-де-Жанейро Олимпиадасында әйелдер арасындағы күрестен финалға шықты, - деп хабарлайды Vesti.kz.
Жартылай финалда Лондон Олимпиадасының 38 жастағы қола жүлдегері 29 жастағы ресейлік Екатерина Букинамен белдесті. Ресейлік бірінші раундта 8:1 есебімен жеңіп жатқан. Ал екінші кезеңде Манюрова есепті 6:8 қылды, ал соңғы секундтарда таза жеңіске жетті.
Алтын медаль үшін финалдық кездесуде қазақстандық спортшыға қарсы канадалық 27 жастағы Эрика Уибе шығады. Кездесу Астана уақыты бойынша сағат 3:35-ке белгіленген.
Еске салайық, Рио Олимпиадасындағы бірінші кездесуінде Манюрова венгрдің 22 жастағы палуаны Жанетт Неметті 12:2 есебімен жеңген еді. Ал ширек финалда ол Камеруннан келген 31 жастағы Аннабель Алиден басым түсті - 8:6.
