Мария Агапованың UFC-дегі келесі қарсыласы анықталды 13 шілде 2021, 08:53
UFC ұйымымен келісімшарт жасасқан алғашқы қазақстандық әйел Мария Агапова (9-2) октагонға 10 қазанда оралады, - деп хабарлайды Vesti.kz.
24 жастағы қазақстандық файтердің қарсыласы өзімен жасты колумбиялық Сабина Мазо (9-2) болады.
Агапова әлемдік промоушенде осымен үшінші жекпе-жегін өткізгелі отыр. Ол 2020 жылдың тамызынан бері жекпе-жекке шықпаған, ол кезде техникалық нокаутпен америкалық Шане Добсонға есе жіберген. Ал UFC-дегі дебюті одан екі ай бұрын болған, алғашқы кездесуде Агапова америкалық Ханна Сейферсті мерзімінен бұрын жеңген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!