Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Олжас Сәттібаев "арландардың" сапына келер жылы қосылады

28 Ақпан 2014, 15:26
0
Олжас Сәттібаев пен бапкері Нұрлан Ақүрпеков. Сурет: Михаил ТЁ
Олжас Сәттібаев пен бапкері Нұрлан Ақүрпеков. Сурет: Михаил ТЁ
Бокстан 52-келі салмақтағы Қазақстан біріншілігінің чемпионы, бірнеше халықаралық турнирлердің жеңімпазы Олжас Сәттібаев WSB сериясында ел намысын қорғап жүрген "Астана арланс" командасына келер жылы қайта қосылады деп хабарлайды Tengrinews.kz тілшісі

Негізі Сәттібаев "Астана арландары" командасымен маусым басында бір жылдық келісім-шарт жасасқан болатын. Тіпті Олжас бұл серияда бір кездесу де өткізіп үлгерді. Ресейдің "Russian Boxing Team" командасының белді боксшы Миша Алоянмен кездесіп, төрешілердің шешімі бойынша жеңіліп қалған еді.

Сол жекпе-жектен елге оралғаннан кейін Олжас тыңғылықты медицияналық бақылаудан өткен. Нәтижесінде, "Астана арланс" командасының дәрігерлері Сәттібаевтың қанынан жұқпалы ауыру тауыпты. Сөйтіп, команда мен боксшы арасындағы келісім шарт үзілген.

Tengrinews.kz тілшісіне мәлім болғандай, бұл дертпен Олжас 2006 жылдан бері ауырып келеді екен. Ол кезде дерттің маңайындағы адамдарға жұғатын қасиеті жоқ болып шыққан. Дерті анықталғаннан соң да боксшы Халықаралық та, Қазақстан біріншілігіне де тіпті сары құрлық пен әлем біріншіліктеріне де қатысып жүрген.

Бүгінде Олжас ауыруына байланысты спорттан кеткен жоқ. Керісінше, жігерленді десек де болады. Ол жуырда ғана Қырғызстан астанасы Бішкекте өткен Халықаралық турнирге қатысып, топ жарған. Қазіргі таңда Баку жерінде дайындалып жүр екен. Наурыз айында осы елде өтетін "Жібек жолы" атты турнирге қатысады. Қолдағы мәліметтер бойынша, Олжас Сәттібаев келер жылы "Астана арландары" командасына қайта қосылуға ниетті.

Автор: Уалихан Қосанбаев

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай