+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстан премьер-министрі Олжас Бектенов Атырау облысында су басу қаупін азайту үшін қабылданып жатқан шаралар барысын тексерді, - деп хабарлайды Tengrinews.kz тілшісі Primeminister.kz сайтына сілтеме жасап.
Қазақстан премьер-министрі Олжас Бектенов Атырау облысында су басу қаупін азайту үшін қабылданып жатқан шаралар барысын тексерді, - деп хабарлайды Tengrinews.kz тілшісі Primeminister.kz сайтына сілтеме жасап.
Олжас Бектенов облыс орталығындағы тұрғын үй алаптары бекіністерін тексеру барысында Атырау су тасқынының болжамды екінші толқынына дайындық жұмыстарымен танысты.
"Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр", - делінген хабарламада.
Фото:primeminister.kz
Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырауда су деңгейінің 6 сантиметр көтерілуі тіркелді (су тасқыны басталғаннан бері жалпы көтерілуі 227 сантиметр болды).
Фото:primeminister.kz
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
"Бүгінгі таңда су тасқынының алдын алу шараларының 92 пайызы орындалды. Жұмысты тиімді жүргізу үшін қала 111 секторға бөлінген. Ұзындығы 482 шақырым қорғаныс бөгеттері салынды, аяқталған учаскелер техникалық қадағалау арқылы тексерілді", - делінген хабарламада.
Фото:primeminister.kz
Қауіпті аймаққа Жарсуат және Құрылыс елді мекендері кіреді, бұл аумақта 10,5 шақырым бөгет орналасқан. Қазіргі уақытта бұл аумақта арнайы техникалар арқылы бөгеттер тұрғызылған. Сондай-ақ, су басу қаупі бар Индербор, Елтай, Есбол, Көктоғай, Бөдене, Өрлік және Ынтымақ ауылдарында бөгеттер көтеріліп жатыр. Жағалауды нығайту жұмыстары Индер, Махамбет, Исатай және Құрманғазы аудандарында жүргізіліп жатқаны айтылды.
"Сонымен қатар, су тасқынынан зардап шеккен Жылыой ауданында ТЖ зардаптарын жою жұмыстары жүргізіліп жатыр. Электр және газбен жабдықтауды қалпына келтіру жалғасып жатыр. 201 үйде газ беру қалпына келтірілді, 41 үйде дезинфекциялық жұмыстар аяқталды. Зардап шеккен тұрғындарға баспананы уақытша жалға алу үшін және басқа мақсаттарға 100 АЕК мөлшерінде қаржылық көмек көрсетіледі, 3 271 отбасы төлем алды. Залалды бағалау және өтеу жөніндегі комиссия жұмысын жалғастырып жатыр".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
