Қазақстандық боксшы қыз жекпе-жек әлеміндегі ең сымбатты қыздардың рейтингінде көш бастады

Ресейдің AllFight.ru басылымы жекпе-жек әлеміндегі ең тартымды қыздардың рейтингін жасады.

Рейтингте қазақстандық боксшы қыз Фируза Шәріпова (2-1, 1 КО) көш бастап тұр. Боксшы қыз рейтингте MMA әлеміндегі бірден төрт боксшыны басып озған.

"Ол Қазақстанда бірнеше рет чемпион атанды және Азия чемпионатының жүлдегері. Кәсіпқой боксқа өткен соң, Фируза әлем чемпионы атағы үшін күресіп жатыр. Спортшы қыз тек жұдырықтарымен емес, сондай-ақ сұлулығымен де жеңіп шығады. Ол туралы әлемдік БАҚ-тар жазып, спортшыны "бокс әлеміндегі Мария Шарапова" деп атайды. Фируза жақында ғана Қазақстанның ең тартымды спортшысы атанып, "Тақтар ойынына" түсуге үміткер болды", - деп жазады AllFight.ru басылымы.