Шахматтан Астанада өтіп жатқан әлем біріншілігінде Қазақстан құрамасы бірінші жеңісіне қол жеткізді

07 Наурыз, 12:58
0
Шахматтан Астанада өтіп жатқан әлем біріншілігінде Қазақстан құрамасы бірінші жеңісіне қол жеткізді - Сурет Қазақстан шахмат федерациясынан. Дэвид Ллада©
Сурет Қазақстан шахмат федерациясынан. Дэвид Ллада©

Астанада шахматтан командалық әлем чемпионаты өтіп жатыр. Екінші айналымда Қазақстанның ерлер командасы швециялық шахматшыларды жеңді, ал әйелдер құрамасы Үндістан ойыншыларымен тең түсті, - деп хабарлайды Tengrinews.kz тілшісі республикалық "Қазақстан шахмат федерациясы"қоғамдық бірлестігіне сілтеме жасап. 

Швеция - Қазақстан кездесуінде екінші тақтада Әнуар Ісмағамбетов бірінші жеңіске қол жеткізді, одан кейін Қазақстан құрамасының қатысушылары айтарлықтай сенімді өнер көрсетті. Ақ тастармен ойнаған Әнуар гроссмейстер Ханс Тикканенге қарсы өнер көрсетіп, Каро-Канн қорғауда қауіпті шабуылдаушы позиция құрып, жеңіске жетті.

Мұртас Қажығалиевке қарсы гроссмейстер Блумквист оныншы жүрісте фигураны  өте күмәнді  жағдайда құрбан етті. Қара тастар сенімді қорғаныста болды және тез арада басымдылыққа ие болды. Оралдық гроссмейстер жігерлі және қатесіз әрекет етті - есеп айырмасы екі ұпайға дейін артты.

Денис Махнев басымдылыққа ие болды, бірақ Аксель Смит ұқыпты ойнады, сол себепті қарсыластар бейбітшілікке қол қойды.

Бірінші тақтада болған ойын қауіпті еді, алайда Ринат Жұмабаев есеп жұмыстарын жүргізетін әрі мықты қорғаушы ретінде танымал боғлан. Ойын барысында Нильс Гранделиус қателікке бой алдырған сәтте, Ринат жағдайды түзетуге мүмкіндік алып, Қазақстан құрамасының нәтижесін ұлғайтты. 


Сурет Қазақстан шахмат федерациясынан. Дэвид Ллада©

Осылайша, екінші айналымда біздің шахматшылар Швеция құрамасын 3:1 есебімен жеңді. 

Қазақстан - Үндістан әйелдері арасындағы ойын тартысты өтті. Біздің шахматшы қыздар Үндістан құрамасымен бұрындары жеңіп жүрген болса да бұл жолы ойын қауіпті басталды. Гүлмира Дәулетова бірнеше өрескел қателік жіберген соң, оның қарсыласы Кулкарни Бхакти оңайлықпен басымдылыққа ие болды. 1:0 есебімен үндістандық қыздар алға шықты. 

Бибісара Асаубаева 2018 жылғы әлем біріншілігінде кездеске Падмини Роутпен қайта кездесіп, қарсыласын әбден састырды. Есеп теңесті. 

Бірінші тақтада Жансая Әбдімәлік, ал екіншісінде Динара Сәдуақасова бірінші жүрістен соңына дейін басымдылыққа ие болған. Алайда үндістандық қыздар ойын ортасында жақсы өнер көрсетіп, қорытындысында тең нәтижеге қол жеткізді.

Осылайша, Қазақстан - Үндістан кездесу 2:2 есебімен аяқталды. 


Сурет Қазақстан шахмат федерациясынан. Дэвид Ллада©

Бүгін 7 наурызда Қазақстан ерлер құрамасы Еуропаның қазіргі чемпиондары Әзірбайжан командасымен кездеседі. Қыздар болса Олимпида чемпиондары Қытай қыздарымен бақ сынасады. 

Айта кетейік, шахматтан әлем біріншілігі 4 наурызда басталып, 14-іне дейін жалғасады. Онда 14 елден 10 ерлер командасы және 10 әйелдер командасы өнер көрсетеді.

Чемпионаттың тікелей көрсетілімін командалық әлем чемпионатының ресми сайтынан қазақ, ағылшын, орыс тілдерінде тамашалауға болады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай