Токио Олимпиадасындағы дзюдошылар додасын қазақстандық Елдос Сметов те бастады. Ол екінші айналымда түркиялық балуанды мерзімінен бұрын жеңді, - деп хабарлайды Tengrinews.kz тілшісі Olympic.kz сайтына сілтеме жасап.
Елдос Сметов Олимпиада ойындарын екінші кезеңнен бастады. Қарсыласы - түркиялық Аққұс Михраж болды. Аталған белдесуді Сметов мерзімінен бұрын аяқтап, "иппон" ұпайын еншіледі.
Елдостың ендігі қарсыласы - бразилиялық Эрик Такабатике мен Оңтүстік Корея өкілі Ким Вон Жун жұбының жеңімпазы болмақ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
