+7 (777) 001 44 99
Қазақша
Русский
English
07 тамыз 2021 | 16:53
Токио Олимпиадасы: балуан Дәулет Ниязбеков қола жүлдеден қағылды
Қазақстандық балуан Дәулет Ниязбеков Токио Олимпиадасының қола медалі үшін өткен жекпе-жекте жеңіліп қалды, - деп хабарлайды Tengrinews.kz тілшісі.
ПОДЕЛИТЬСЯ
Қазақстандық балуан Дәулет Ниязбеков Токио Олимпиадасының қола медалі үшін өткен жекпе-жекте жеңіліп қалды, - деп хабарлайды Tengrinews.kz тілшісі.
Ниязбеков 65 келіге дейінгі салмақта қола медальді үндістандық Баджранг Пуниямен сарапқа салды. Бұл кездесуде қазақстандық балуан 0:8 есебімен жеңіліп қалды.
Бұған дейін ол жұбаныш жекпе-жегінде сенегалдық Адама Диаттемен кездесіп, 10:0 есебімен басым түскен.
Қазақстандық балуан кеше ширек финалда әлемнің үш дүркін чемпионы, Рио Олимпиадасының қола жүлдегері әзербайжандық Хаджи Алиевпен кездесіп, 1:9 есебімен жеңілген еді. Ал 1/8 финалда кубалық Энрике Вальдесті сенімді жеңген болатын.
32 жастағы тәжірибелі Дәулет Ниязбеков - Қызылорда облысының тумасы. Үш дүркін Азия чемпионы. Ал 2011 және 2019 жылдары әлем чемпионатында қола медаль еншілеген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
