+7 (777) 001 44 99
ПОДЕЛИТЬСЯ
Қазақстандық балуан Дәулет Ниязбеков Токио Олимпиадасының жұбаныш жекпе-жегінде жеңіске жетті, - деп хабарлайды Tengrinews.kz тілшісі.
Қазақстандық балуан Дәулет Ниязбеков Токио Олимпиадасының жұбаныш жекпе-жегінде жеңіске жетті, - деп хабарлайды Tengrinews.kz тілшісі.
Ниязбеков 65 келіге дейінгі салмақта қола медаль үшін тартысқа түскен. Жүлдеге таласу үшін ол сенегалдық Адама Диаттемен кездесіп, 10:0 есебімен басым түсті.
Енді ол қола медальді үндістандық Баджранг Пуниямен сарапқа салады.
Қазақстандық балуан кеше ширек финалда әлемнің үш дүркін чемпионы, Рио Олимпиадасының қола жүлдегері әзербайжандық Хаджи Алиевпен кездесіп, 1:9 есебімен жеңілген еді. Ал 1/8 финалда кубалық Энрике Вальдесті сенімді жеңген болатын.
32 жастағы тәжірибелі Дәулет Ниязбеков - Қызылорда облысының тумасы. Үш дүркін Азия чемпионы. Ал 2011 және 2019 жылдары әлем чемпионатында қола медаль еншілеген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
