Владимир Путин Ресейдің 2019 жылы Красноярскіде өтетін қысқы Универсиада ойындарына жақсы жағдай жасау керектігін айтты, - деп хабарлайды РИА Новости.
Бүгін Ресей Президенті "Биатлон академиясы" спорт орталығына барды. Владимир Путин онда Алматыда өткен қысқы Универсида ойындарының жеңімпаздарымен кездесті.
"Қазақстан Универсиада ойындары жоғары деңгейде өту үшін барлығын жасады. Мен сіздер осы сөздерімді растайды деп сенемін", - деді Путин спортшыларға.
Сондай-ақ, Путин спортшылармен кездесу барысында осыдан бірнеше күн бұрын Қазақстан Президенті Нұрсұлтан Назарбаевпен кездескенін айтып өтті.
"Біз де 2019 жылы Красноярскіде өтетін қысқы Универсиада ойындарына осындай жағдай жасауға тырысамыз. Және мен сіздердің кейбіреулеріңіз Универсиадада тағы да өнер көрсетеді деп сенемін", - деді Ресей Президенті.
