Ұлттық таэквондо федерациясы мүшелерінің бірауыздан қабылдаған шешімі бойынша Вячеслав Ким Қазақстан Таэквондо федерациясының (WT) президенті қызметіне қайта сайланды, - деп хабарлайды Tengrinews.kz тілшісі Olympic.kz сайтына сілтеме жасап.
"Дауыс беру Қазақстан Таеквондо федерациясының жыл сайынғы конференциясы аясында өтті. Сондай-ақ, онда федерация атқару комитетінің құрамы бекітіліп, биылғы маусым қорытындыланды", - делінген хабарламада.
Вячеслав Ким федерация басшысы қызметін 2013 жылдан бері атқарып келеді.
Сонымен қатар, Вячеслав Ким 2018 жылы Алматы Триатлон федерациясының "Алматы триатлон федерациясы" қамқоршылық кеңесінің мүшесі болды. Сондай-ақ, Кэндо және Иайдо федерациясының президенті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!