+7 (777) 001 44 99
Чилидің солтүстігіндегі тұрғындар сирек кездесетін табиғи құбылыстың куәсі болды. Әлемдегі ең құрғақ шөлдердің бірі саналатын Атакамада қар жауды, - деп хабарлайды Tengritravel.kz тілшісі.
Аса ерекше құбылыстың кадрларын ALMA Observatory қызметкерлері X желісінде (бұрынғы Twitter) бөлісті.
"Сену мүмкін емес! Әлемдегі ең құрғақ шөлді қар басты", – делінген хабарламада.
Жоғары орналасқан аудандарда қардың түсуі сирек жағдай емес, бірақ обсерваторияның негізгі ғимараты маңында қар соңғы 10 жылда алғаш рет жауған.
Атакама шөлі – әлемдегі ең құрғақ шөлдердің бірі. Ол Чилидің солтүстігінде, Тынық мұхиты жағалауында, мұхит пен Анд тауларының арасында орналасқан.
Мұнда жауын-шашын өте сирек түседі – кейбір жерлерде жаңбыр бірнеше жыл бойы мүлде жаумайды. Кей учаскелерде жылдық орташа жауын-шашын мөлшері бір миллиметрден аз. Осы себепті Атакама пейзажы Марсты еске салады, тіпті NASA мұнда өз марсоходтарын сынақтан өткізген.
Саяхат қызықтары мен пайдалы ақпаратты Instagram және Facebook парақшаларынан оқи аласыз!
