16 мамыр 2022 17:37

4 пайыздық автонесиеге қалай өтінім береміз? Нұсқаулық

ПОДЕЛИТЬСЯ

© Tengrinews.kz/Тұрар Қазанғапов © Tengrinews.kz/Тұрар Қазанғапов

Өнеркәсіпті дамыту қоры жеңілдетілген автонесиелеу бағдарламасының 4 пайыздық жұмыс механизмін түсіндірді, деп хабарлайды Tengrinews.kz тілшісі.


Өнеркәсіпті дамыту қоры жеңілдетілген автонесиелеу бағдарламасының 4 пайыздық жұмыс механизмін түсіндірді, деп хабарлайды Tengrinews.kz тілшісі.

Бұған дейін жеңілдігі бар кредит беру бағдарламасы бойынша қаржыландыру сомасы 100 миллиард теңгеге жетіп отыр, олар бағдарламаның қолданылу кезеңінде қайтарымды-револьверлік негізде пайдаланылатын болды.

Бағдарламаның басталуы - 16 мамыр. Кредитті екінші деңгейдегі банктер береді. Бағдарлама мерзімі - 30 жыл.

Бағдарламаға қатысу үшін мына шарттарды орындау қажет:

  • тұтынушы дилер автоорталығына жүгініп, отандық өндіріс автокөлігін таңдауы керек;
  • дилер автоорталығының өкілдері қарыз алушыға қолданылу мерзімі 5 банктік күннен аспайтын VIN-кодты міндетті түрде көрсете отырып, төлемге шот береді;
  • тұтынушы банкке VIN-кодты көрсете отырып, төлем шотымен жүгінуі қажет;
  • банк өтінімді қабылдаған сәттен бастап тұтынушы электрондық кезекке тұрады;
  • банк тұтынушының төлем қабілетін және кредиттік тарихын бағалайды, оң шешім қабылданған жағдайда банк кредит беруге мақұлдауды және қолданылу мерзімі 5 банктік күннен аспайтын кепілдік хатты береді;
  • кепілдік хатын алғаннан кейін тұтынушы автокөлікті рәсімдеу үшін дилер автоорталығына жүгінуі тиіс;
  • егер тұтынушы кепілдік хатты алған сәттен бастап 10 банктік күннен кешіктірмейтін мерзімде банктік қарыз шартын рәсімдемесе, ол кезектен шығарылады.

Өтінім бергеннен кейін тұтынушы таңдалған автомобильдің маркасын және моделін өзгерте алмайды немесе кезекте тұрған орынды басқа жеке тұлғаға қайта тіркей алмайды. Бас тартқан жағдайда қарыз алушы электрондық кезектен шығады және оның орнына жаңа қатысушылар қосылады. Бағдарламаға бір тұтынушы екі жылда бір рет қатыса алады.

"Төлем қабілетін тексерумен және автозаймдарды мақұлдаумен екінші деңгейдегі банктер (серіктес банктер) айналысады. Банк өтінімді мақұлдағаннан кейін мақұлданған өтінімнің мәртебесін тұтынушының өзі "Өнеркәсіпті дамыту қоры" АҚ-ның қатысуынсыз тиісті банктің платформасында (онлайн - кезек) қадағалайды", - деп нақтылады қордағылар.

Автокредит алу үшін мына екінші деңгейлі банктерге жүгінуге болады: "Еуразиялық банк" АҚ, "Банк ЦентрКредит" АҚ, "Қазақстан Халық банкі" АҚ, Forte Bank АҚ.

"Бұл түпкілікті тізім емес, екінші деңгейдегі банктердің өтінімдерін қарау барысында Өнеркәсіпті дамыту қоры бағдарламаға қатысушы серіктестерді қосып отырады", - деп толықтырды баспасөз қызметі өкілдері.

Қазіргі уақытта қазақстандықтардың KIA, Hyundai, Chevrolet, JAC, LADA брендтерінің қазақстандық жаңа жеңіл автомобильдерін сатып алу мүмкіндігі бар.

Еске салайық, несие мына шарттармен беріледі:

  • сыйақы мөлшерлемесі - жылдық 4 пайыз;
  • кредит беру сомасы - 10 миллион теңгеден аспайды;
  • қаржыландыру мерзімі - 7 жылдан аспайды;
  • бастапқы жарна - 0 пайыздан бастап;
  • көлік құралының құны - 15 миллион теңгеден аспайды.

Бұған дейін Қазақстанда жеңілдетілген автонесиелеуге кезек қалай қалыптасатынын жазғанбыз.

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети