1. Басты
  2. Біл
  3. Техно
  4. Автокөлік

Алматылық жүргізушілерге көлік түтіні үшін айыппұл салынып жатыр20 тамыз 2020, 17:12

Фото: Tengrinews.kz/Әлихан Сариев Фото: Tengrinews.kz/Әлихан Сариев

Алматыда бір күнде 39 жүргізушіге көлік түтіні үшін айыппұл салынды, - деп хабарлайды Tengrinews.kz тілшісі.

Қалалық экология департаментінің қызметкерлері 19-21 тамыз аралығында "Таза ауа" рейдін жүргізіп жатыр. Экологиялық инспекторлар жүргізушілерді тоқтатып, көліктерді тексерген.

"Рейдтің бірінші күні Алматы қаласы бойынша жалпы 117 көлік тоқтатылды, 39 автомобиль иесіне көлік түтіні үшін әкімшілік хаттама толтырылды. Рейд жалғасып жатыр. Экологиялық инспекторлар жүргізушілер арасында экологиялық заңның нормасын сақтау бойынша түсіндіру жұмыстары жүргізілді", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!