Қазақстанда бес айдың ішінде 301 217 жеңіл автокөлік тіркелді, - деп хабарлайды Tengrinews.kz тілшісі ҚР ҰЭМ Статистика комитетіне сілтеме жасап.
Комитеттің мәліметінше, жыл басынан бері тіркелген жеңіл автомобильдердің саны өткен жылмен салыстырғанда 68,7 пайызға жоғары. 2015 жылғы 1 мамырдағы жағдай бойынша, жеңіл автокөліктің қолда бары - 4 467,8 мың бірлік.
Республика бойынша биыл қаңтар-мамырда тіркелген жеңіл автомобильдердің саны жағынан көшбасында Алматы қаласы тұр, мұнда 35 211 көлік тіркелген. Екінші орында - Оңтүстік Қазақстан облысы (34 254), үшінші орында - Алматы облысы (32 658), төртінші орында - Астана қаласы (25 085) және бесінші орында Шығыс Қазақстан облысы тұр, мұнда 22 386 көлік тіркелген.
