26 қаңтар 2016 17:42

Әуезов атындағы драма театрында жаңа қойылым көрсетіледі

ПОДЕЛИТЬСЯ

© Әуезов атындағы Қазақ мемлекеттік академиялық драма театрының баспасөз қызметі © Әуезов атындағы Қазақ мемлекеттік академиялық драма театрының баспасөз қызметі

Мұхтар Әуезов атындағы Қазақ мемлекеттік академиялық драма театрында жаңа қойылым көрсетіледі, - деп хабарлайды Tengrinews.kz тілшісі театрдың баспасөз қызметіне сілтеме жасап. Александр Володиннің "Қоштасқым келмейді" драмасын 6, 7, 10, 14 ақпан күндері театр сахнасынан тамашалауға болады.


Мұхтар Әуезов атындағы Қазақ мемлекеттік академиялық драма театрында жаңа қойылым көрсетіледі, - деп хабарлайды Tengrinews.kz тілшісі театрдың баспасөз қызметіне сілтеме жасап. Александр Володиннің "Қоштасқым келмейді" драмасын 6, 7, 10, 14 ақпан күндері театр сахнасынан тамашалауға болады.

Баспасөз қызметінің мәліметінше, драманың қоюшы-режиссері - ҚР еңбек сіңірген қайраткері Асхат Маемиров. Қойылымға ажырасуға бел буған сегіз отбасының тағдырлары арқау болған. Жасы, әлеуметтік мәртебесі, дүниетанымы жағынан әртүрлі бірнеше шаңырақ иелері қиындықтарға ұшырап, күмән-күдікке, тәкаппарлыққа бой алдырады. Некелерін бұзуға сотқа келген оларды судья татуластырмақшы болады. Алайда өзімшіл ерлі-зайыптылар бірін-бірі тыңдаудан қалады. Театрдың жас әртістері қатысатын спектакль өмірдің осы бір қарапайым да күрделі мәселелерін көрсетеді.

Александр Володиннің "С любимыми не расставайтесь" шығармасын аударып, сахналамақшы болып отырған режиссер Асхат Маемиров басты мақсаты көрермен санасына әсер ету екенін айтты. "Қоштасқым келмейді" драмасы адамдардың кездесуі мен қоштасуы жайлы сыр шертетін қарапайым, әрі қиын драма. Пьеса мен қойылымды "Ажырасу туралы іс" деп те атауға болады. "Қоштасқым келмейді" деген атаумен сахналап отырған осы қойылымға отбасы мәселесі, ерлі-зайыптылардың қарым-қатынасындағы әлеуметтік мәселелер, махаббат пен достық секілді мәңгілік тақырыптар арқау етілген. Қойылымды көрсетудегі мақсатым - көрерменнің санасына әсер ету. Яғни, рационалдық театр әлемінің эстетикасымен таныстыру", - деді режиссер.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети