Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қазақ зиялыларының бейнесі бар пошта маркалары айналымға шықты

12 Шілде 2016, 15:31
0
© sk.kz
© sk.kz

"Қазпошта" АҚ қазақтың атақты ғалымдары мен ойшылдарына арналған пошта маркаларын айналымға енгізді, - деп хабарлайды Tengrinews.kz тілшісі "Қазпошта" АҚ баспасөз қызметіне сілтеме жасап.

"Қазпошта" АҚ атақты қазақ ғалымдары, қоғам және мемлекеттік қайраткерлері - Әлихан Бөкейханов, Ыбырай Алтынсарин, Қайым Мұхамедхановтардың туған күндерінен мерейтойлық күндеріне арналған "Естелік және мерейтойлық күндер" сериялы пошта маркаларының айналымға енгізілгенін хабарлады.

"Естелік және мерейтойлық күндер" сериялы пошталық маркасы "Әлихан Бөкейхановтың туғанына 150 жыл" тақырыбында. Пошта маркасында көрнекті қоғам және мемлекеттік қайраткер, "Алаш" ұлттық-демократиялық партиясының ұйымдастырушысы және көшбасшысы, тұңғыш қазақ ұлттық Алашорда үкіметінің басшысы, ғалым, публицист - Әлихан Бөкейханов бейнеленген. Әлихан Бөкейханов өзінің бар өмірін қазақ халқының еркіндігі мен саяси дербестігі үшін күресуге арнады. Марканың номиналы - 5 теңге. Таралымы 2 500 000 дана.

"Естелік және мерейтойлық күндер" сериялы пошта маркасы "Ыбырай Алтынсариннің туғанына 175 жыл" тақырыбында. Пошта маркасында қазақтың көрнекті ағартушысы, жаңашыл-педагог және жаңа мектептер ұйымдастырушы, этнограф, ауыз әдебиетін жинақтаушы, ақын, прозашы, аудармашы - Ыбырай Алтынсарин бейнеленген. Пошталық марканың номиналы - "А" литерлі (121) теңге заңды тұлғаларға арналған 20 грамм салмаққа дейінгі қарапайым хаттарды жерүсті көлігі арқылы жіберуге арналған тарифке сәйкес келеді. Таралымы 2 500 000 дана.

"Естелік және мерейтойлық күндер" сериялы пошта маркасы "Қайым Мұхамедхановтың туғанына 100 жыл" тақырыбында. Пошталық маркада Қазақстан Республикасының мемлекеттік сыйлығының лауреаты, ғалым, ақын, жазушы, драматург, аудармашы, Абайтану мен Шәкәрімтанудың ғылыми негізін қалаушы, қоғам қайраткері - Қайым Мұхамедханов бейнеленген. Қазақ КСР-ның (1945 жыл) Мемлекеттік әнұраны мәтінінің авторы, Ұлы Отан Соғысына қатысушы. Пошталық марканың номиналы - "С" литерлі (218) теңге Қазақстан Республикасы аумағында жерүсті көлігі арқылы салмағы 20 граммға дейінгі тапсырысты хаттарды жөнелтуге арналған тарифке сәйкес келеді. Таралымы - 2 500 000 дана.

Пошта маркасының басылымы офсеттік, 2 бояумен, шетіндегі ойықтар ирек тісті. Шығарылу түрі - маркалық бет. Бір бетте 105 марка. Беттегі марка өлшемі 26Х18 мм. Суретші - Сергей Маршев. Пошталық маркалар "Қазақстан Республикасының Ұлттық Банкі Банкноттық фабрикасы" республикалық мемлекеттік кәсіпорнында басып шығарылған.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай