Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Назарбаевтың қызы мектеп оқулығын шығарды

11 Қыркүйек 2014, 16:30
4
Скриншот. ©24.kz
Скриншот. ©24.kz

Орталық коммуникациялар қызметінің брифингінде экология пәніне арналған жаңа мектеп оқулығы таныстырылды, - деп хабарлайды Tengrinews.kz. Ол Әлия Назарбаеваның "Жандану" экологиялық жобасы шеңберінде шығарылған.

Экология пәні бойынша жалпы білім беретін мектептерге арналған "Экология және тұрақты даму" аталатын оқулықтың төрт авторы бар - Әлия Назарбаева, Ғалия Сыздықова, Қазына Шайхислямова, Сайран Әбдіғалина.

"Оқулықты Білім және ғылым министрлігі Әлия Назарбаеваның "Жандану" экологиялық жобасымен бірігіп жасап шығарды", - деп түсіндірді Білім және ғылым вице-министрі Есенғазы Иманғалиев.

Әлия Назарбаеваның экологиялық жобасының білім беру департаменті жетекшісі Мұрат Исахановтың айтуынша, кез келген адам оқулыққа қатысты ұсынысы мен пікірін білдіре алады. "Біріншіден, жоба авторы Әлия Назарбаеваның атынан сәлемдесу сөзін жеткізгім келеді. Біздің жоба екі жыл бұрын қолға алынған болатын. Бұл оқулықтың төрт авторы бар, негізінде, оның тете авторлары - Қазақстанның әр аймағындағы үш мыңнан астам оқушы мен студент. Екі жыл бойы оқулық барлық облыс орталықтарында, мектептерде сынақтан өтті. Оқулықта 26 фильм түріндегі қосымша бар, оларда Қазақстан экологиясының мәселелері қоршаған орта проблемаларының шешімі әлемдік инновациялық көзқарастар тұрғысынан қарастырылады. Бұл оқулық ашық, бүгіннен бастап, оның әр параграфын жобамыздың сайтында жариялайтын боламыз. Оқушылар, ата-аналар оған өз ұсыныстарын, өзгертулері мен пікірлерін енгізе алады", - деді Исаханов.

Оқулық авторларының бірі Ғалия Сыздықова кітаптың 12-сыныпқа арналғанын айтты. "Мен Әлия Назарбаевамен, Қазына Шайхислямовамен, Сайран Әбдіғалинамен қолма-қол жұмыс істегеніме ризамын. Бұл - ұжымдық еңбек. Оқулық 12-сыныпқа арналған, қазақ және орыс тілдерінде басылып шықты. Оған арналған әдістемелік құрал да әзірленіп жатыр", - деді Сыздықова.


Нравится
Поделиться
Пікірлерді көру (4)
Оқылып жатыр
Талқыланып жатыр
Бүгін
Апта
Ай