WBA Дортикостың промоутерлік компаниясын Шүменовпен жекпе-жек өткізу құқығынан айырды

01 Ақпан 2017, 13:13
0
WBA Дортикостың промоутерлік компаниясын Шүменовпен жекпе-жек өткізу құқығынан айырды - Юниер Дортикос © AllBoxing.ru
Юниер Дортикос © AllBoxing.ru

Бүкіләлемдік бокс қауымдастығы (WBA) Caribe Promotions компаниясын ауыр салмақтағы regular әлем чемпионы қазақстандық Бейбіт Шүменов пен осы салмақтағы уақытша чемпион атағына ие кубалық боксшы Юниер Дортикос арасындағы жекпе-жекті ұйымдастыру бойынша эксклюзив құқығынан айырды, - деп хабарлайды Vesti.kz сайтының қазақ бөлімі BoxingScene.com басылымына сілтеме жасап. 

Дортикостың мүддесін қорғайтын Caribe Promotions компаниясы промоутерлік сауданы (350 001 доллар) былтыр қарашада ұтып алған болатын. Осы арқылы олар жекпе-жекті үш ай ішінде өткізуге міндеттелген еді. Алайда WBA бірнеше рет сұраныс жасағанымен, еш дайындық жүргізілмеген. Оның үстіне Дортикостың командасы 11 ақпанға белгіленген жекпе-жекті кейінге шегеруді сұраған. 

Осылайша, жекпе-жек өткізу құқығы промуотерлік сауда кезінде екінші болған Том Браунға (TGB Promotions компаниясы) өтті.

Еске салайық, Шүменов-Дортикос жекпе-жегінің жеңімпазы WBA ұйымының қазіргі "суперчемпионы" Денис Лебедевке міндетті қарсылас болады. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай