Альвареске көп сөйлемей, Головкинмен рингке шығуды ұсынамын - Абель Санчес

25 Шілде 2016, 12:07
0
Альвареске көп сөйлемей, Головкинмен рингке шығуды ұсынамын - Абель Санчес - © boxingscene.com
© boxingscene.com

Орта салмақтағы WBA (Super), IBO, WBC және IBF сериялары бойынша әлем чемпионы Геннадий Головкиннің  (35-0, 32 КО) жаттықтырушысы екі салмақтағы бұрынғы әлем чемпионы мексикалық Сауль "Канело" Альварестің (47-1-1, 33 КО) қазақстандық боксшының келесі қарсыласы туралы айтқан сынына жауап қайтарды, - деп хабарлайды Vesti.kz.

"Альвареске сөйлей бергеннен гөрі онымен (Головкинмен) шаршы алаңға шығуды ұсынамын. Егер біз атақсыз боксшылармен шығып жүрген болсақ, онда өзің рингке шық та, жеңіп көр. Оларды осылай ғана тыюға болады. Оскар ("Канелоның" промоутері) өзінің уәдесін орындамау үшін барынша сылтаулар табатын болады. "Канело" Геннадийді жекпе-жекке шақырғаннан кейін, бокс қолғабын дәл қазір қайта киетіндігін айтуда, осының өзі оның - екіжүзді екендігін көрсетіп отыр деп айтуға болады", - деді Санчес.

Еске салайық, Альварес осы жылдың мамыр айында Головкинмен жұдырықтасудан бас тартқан болатын. Осыдан кейін екі тараптың командалары келіссөздерді ары қарай жүргізіп, кездесуді 2017 жылға қалдырған болатын. Мексикалық WBO бірінші орта салмақтақтағы чемпионы Лиам Смитпен кездесу үшін 17 қыркүйекте  шаршы алаңға шығады.

Головкин - Келл Брук жекпе-жегі 10 қыркүйекте Лондонның O2 аренасында орта салмақта өтеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай