Атақты промоутер Эл Хэймон Василий Левитке келісім шарт ұсынуға дайын

16 Тамыз 2016, 18:02
0
Атақты промоутер Эл Хэймон Василий Левитке келісім шарт ұсынуға дайын - © box-yfo.ru
© box-yfo.ru

Атақты америкалық промоутер Эл Хэймон ауыр салмақта өнер көрсететін қазақстандық Василий Левитке кәсіпқой боксқа өту бойынша келісімшарт ұсынуға дайын. Бұл туралы Vesti.kz тілшісіне менеджердің агенті Алекс Вайсфельд мәлімдеген.

"Маған қазақстандық боксшы Василий Левит ұнады. Хэймон оны дереу алады. Оған орта ауыр салмақтағы кәсіпқой боксшы керек. Ол өнер көрсететін "Астана Арланс" клубымен бірлесе жұмыс істеуіміз мүмкін. Біз оны осында (Лос-Анджелесте - Авт. сөзі) дайындай аламыз, ал, олар Қазақстанда дамыта алады. Аз уақыттың ішінде біз оны әлемнің ең мықты кәсіпқой боксшыларының қатарына кіргізе аламыз", - деді Эл Хэймонның агенті.

Еске салайық, атақты маманмен Қазақстаннан шыққан ресейлік боксшы жұмыс істейді. Ол әлі жеңіліп көрмеген - Сергей Липинец (10-0, 8 КО).

Василий Левит әлемдік бокс сериясында (WSB) "Астана Арланс" клубының атынан өнер көрсетеді. 91 келіге дейінгі салмақ дәрежесінде қазақстандық Василий Левит кеше, 15 тамызда 91 келіге дейінгі финалдық кездесуде ресейлік боксшы Евгений Тищенкомен кездескен. Төрешілер Тищенкоға жеңіс берген кезде залда жиналған жанкүйерлер ысқырып, төрешілердің шешіміне өз наразылықтарын білдірді. Левит Рио Олимпиадасының күміс медалін жеңіп алды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай