Аңызға айналған кәсіпқой боксшы Майк Тайсон Геннадий Головкинмен ұқсастығы жайлы пікір білдірді, - деп хабарлайды Tengrinews.kz тілшісі.
"Білмеймін. Біз ұқаспыз деп ойламаймын. Әсіресе сырт келбетіміз. Тек оның барлығын бірдей нокаутқа түсіретіні болмаса", - деп пікір білдірді Тайсон Алматыдағы баспасөз мәслихатында.
Сондай-ақ, аңызға айналған тұлғадан Головкинге қандай кеңес беретінін сұрады. "Табанды болсын. Басынан соққы жасамауы үшін басымен жұмыс істеу керек", - деп кеңес берді ол.
Ал мұның алдында Тайсон Геннадий Головкин мен Сауль Альварес жекпе-жегі жайлы пікірін білдірген болатын.
