Боксшы Қанат Ислам шабыттандыратын роликке түсті

20 Қыркүйек 2016, 09:46
0
Боксшы Қанат Ислам шабыттандыратын роликке түсті - © Видеоның кадры
© Видеоның кадры

Бірінші орта салмақта WBA Fedelatin тұжырымы бойынша чемпион, қазақстандық боксшы Қанат Ислам шабыттандыратын роликке түсті, - деп хабарлайды Tengrinews.kz тілшісі. Ролик 19 қыркүйекте жария болды. Боксшы бапкерінен сөз естіген жеткіншекті жігерлендіріп, ақыл-кеңестер айтады. 

Боксшының ресми өкілі Берік Сұлтанның айтуынша, бұл мотивациялық роликті түсіру идеясын ол Қанат Исламға айтқан кезінде ол ұсынысты бірден қабыл алыпты. "Бұл видеороликтің айтпағы "Бұлақ көрсең, көзін аш", "Ағасы бардың жағасы бар" дегенге саяды. Інілерге бағыт-бағдар беретін роликтің болғаны дұрыс шығар деп ойладық. Қанат Ислам ұсынысымды бірден қабыл алып, роликті Алматы қаласында түсіруге кірісіп кеттік. Роликтегі спортшы бала да, оның бапкері де өмірде спортпен шұғылданатын адамдар, өз рөлдерін өздері ойнап шықты. Біз актерлер алмадық, себебі видеода бәрі шынайы болсын деп ойладық. Ойлағанымыздай-ақ, балалар шын жұдырықтасты", - деді ол.

Берік Сұлтанның айтуынша, боксшының 29 қазанда Алматыда өткізетін кезекті жекпе-жегіне тағы екі промо-ролик дайындалып жатыр екен. "Жекпе-жек"Алматы Аренада" өтеді. Оны "Қазақстан" телеарнасы тікелей эфирде көрсетеді. Ал билеттер қазанның 1-інен бастап сатылымға шығады", - деді боксшының ресми өкілі. Айта кетейік, ролик авторының Youtube желісіндегі арнасында боксшының промороликтерінің қалай түсірілгені туралы видеоны тамашалай аласыздар.

Айта кетейік, Қанат Ислам жекпе-жегін ганалық боксшы Патрик Аллотейге қарсы өткізеді. Қос боксшы WBA (Interim) тұжырымы бойынша әлем чемпионы атағына таласады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай