+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Орта салмақтағы WBA Super белбеуінің иегері жапондық Риота Мурата жекпе-жек алдында IBF және IBO чемпионы қазақстандық Геннадий Головкинді қалай құрметтейтінін айтты, - деп хабарлайды Tengrinews.kz тілшісі Vesti.kz сайтына сілтеме жасап. Ол бүкіл карьерасында GGG-мен жекпе-жекке шығуға дайындалғанын айтты.
Орта салмақтағы WBA Super белбеуінің иегері жапондық Риота Мурата жекпе-жек алдында IBF және IBO чемпионы қазақстандық Геннадий Головкинді қалай құрметтейтінін айтты, - деп хабарлайды Tengrinews.kz тілшісі Vesti.kz сайтына сілтеме жасап. Ол бүкіл карьерасында GGG-мен жекпе-жекке шығуға дайындалғанын айтты.
"Бүкіл әуесқой және кәсіпқой бокстағы карьерам Геннадий Головкинмен жекпе-жекке дайындық болды. Бұл жекпе-жек менің орта салмақтағы және бокс тарихындағы орнымды анықтайды. Геннадий Головкин көптен бері орта салмақ көшбасшысы болды. Мен үшін ол әлі жеңілген жоқ. Мен оны қатты құрметтеймін.
Пандемияға байланысты кейінгі жекпе-жегімнен бері екі жылға жуық уақыт өтті, бірақ мен бапкерлеріммен денемді жақсарту және соққыларыма көбірек күш қосу үшін көп жұмыс істеп, уақытты босқа жібермедім. Жапонияның бұл жекпе-жекті қабылдағанын мақтан тұтамын. Бұл мен үшін үлкен мәртебе", - деп келтірді боксшының сөзін DAZN.
Өз кезегінде Головкин жанкүйерлерді тамаша жекпе-жек күтіп тұрғанын айтты.
"Big Drama Show Жапонияда өтетініне қуаныштымын, онда бокс танымал. Мурата - белгілі чемпион. Біз рингте кездесіп, титулдарымызды біріктіретін болсақ, бұл ерекше кеш болады. Жанкүйерлерге тамаша жекпе-жек көрсетеміз", - деп келтірді Головкиннің сөзін DAZN.
Еске салайық, бүгін, 12 қарашада Головкин - Муратамен жекпе-жегін ресми түрде жариялады. Ол 29 желтоқсанда Жапонияда өтеді және DAZN стримингтік сервисінде көрсетіледі. Ресми постер шығып үлгерді, Головкин алғашқы мәлімдемесін жасады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
