Допинг-сынақтан өте алмаған "Канело" алғашқы жазасын алды

24 Наурыз 2018, 11:42
0
Допинг-сынақтан өте алмаған "Канело" алғашқы жазасын алды -

Невада штатының атлеттер комиссиясы (NSAC) мексикалық боксшы Сауль "Канело" Альварестің допинг ісі бойынша алғашқы шешімін шығарды, - деп хабарлайды Vesti.kz.

Наурыз айының басында Альварестің 17 және 20 ақпанда тапсырған допинг-сынамасынан кленбутерол деген тыйым салынған заттың табылғаны хабарланған. Боксшының командасы мұны желінген еттің құрамында болды деп түсіндірген. Келесі үш допинг-сынақты мексикалық АҚШ-та тапсырып, онда тыйым салынған зат табылмаған.

Los Angeles Times журналисі Лэнс Пагмайердің хабарына қарағанда, Альварес 10 сәуірге дейін уақытша шеттетілген, осы кезде оның мәселесі бойынша комиссия кездесуі өтеді. NSAC басшысы Боб Беннент бұл мәліметті BoxingScene басылымына растап отыр, мексикалық не телефон арқылы жауап береді, не отырысқа өзі келіп қатысады. 

10 сәуірде NSAC Альварестің уақытша шеттетілуіне қатысты қорытынды шешім шығарады. Ал осы аптада ұйым оның промоутері Эрик Гомеспен және Головкиннің промоутері Том Леффлермен кездесті.

Мұның алдында Головкин осы мәселе бойынша маңызды мәлімдеме жасаған еді. Оның айтуынша, бірінші жекпе-жектің алдында Альварестің бұлшықеттерінде иненің іздері болған. Сонымен қатар, ол Альварес пен Оскар Де Ла Хойяны өтірікшілер деп атады. Сондай-ақ, бірінші жекпе-жекте тең түсті деп шешім шығарғандарды түрмеге қамау керегін айтқан.

Осыдан кейін Альварес жаттығу кезінде түсірілген видеоны Instagram арқылы жариялады, ол видеоның астына балағат сөздер жазған. Екі хабарлама да Golden Boy промоутерлік компаниясының парақшасында қайталанды, ол компанияның президенті Эрик Гомес бұған дейін Головкинге сес көрсеткен болатын.

Еске сала кетейік, 5 мамырға белгіленген Головкин - Альварес арасындағы реванш матч Лас-Вегаста T-Mobile аренасында өтеді.

Головкин мен Альварестің алғашқы жекпе-жегі 2017 жылдың 16 қыркүйегінде Лас-Вегаста өткен болатын. 12 раундқа созылған жекпе-жек тең есеппен аяқталған еді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай