+7 (777) 001 44 99
Қазақша
Русский
English
IBO, WBA (Super) және WBС тұжырымдары бойынша орта салмақта әлем чемпионы Геннадий Головкиннің келесі қарсыласы анықталды, - деп хабарлайды Vesti.kz.
Қазақстандық боксшының "Вконтакте" желісіндегі ресми тобында Геннадий Головкин келесі жекпе-жекті америкалық Вилли Монро-кішімен өткізетінін хабарланды. Кездесу 16 мамырда Инглвуд қаласындағы (Калифорния штаты) 17 мың адамды сыйдыратын The Forum аренасында өтеді. 28 жастағы Монро - орта салмақта "Boxcino 2014" турнирінің жеңімпазы.
Еске сала кетейік, 21 ақпаннан 22 ақпанға қараған түнде Монте-Карлодағы (Монако) Salle des Etoiles аренасында Геннадий Головкин ағылшын боксшысы Мартин Мюррейді 11-раундта техникалық нокаутпен жеңді. Кездесу барысында Мюррей үш рет нокдаунға түсті. Осылайша барлық 32 кездесуінде де жеңіске жетіп отыр (29 нокаут) және 19 рет уақытынан бұрын жеңіске жетті. Қазақстандық боксшы америкалық Майк Тайсонның рекордын қайталады.
