Геннадий Головкин Рубиомен болған жекпе-жегі жайында айтты

19 Қазан 2014, 12:23
1
Геннадий Головкин Рубиомен болған жекпе-жегі жайында айтты - Геннадий Головкин. Фото Vesti.kz сайтынан алынды
Геннадий Головкин. Фото Vesti.kz сайтынан алынды

Бірнеше сағат бұрын Марко Антонио Рубионы нокаутқа түсірген қазақстандық Геннадий Головкин кез келген боксшымен жекпе-жекке шығуға дайын екендігін мәлімдеді, – деп хабарлайды Vesti.kz.

"Менің қазір үш белбеуім бар, кез-келген боксшымен қарсыласуға әзірмін", - дейді Геннадий Головкин. "Рубиомен болған бокс маған ұнады, одан шабыт алдым. Бірінші раундта қарсыласымды күш салмай-ақ әлсіреттім. Қазір менде үш белбеу бар. Бұл менің кез келген мықтымен жекпе-жекке шығуыма сенім береді. Келесі кезекте Мигель Коттомен бақ сынассам ба деймін. Сондай-ақ, Канеломен және кіші Чавеспен кездесуге кет әрі емеспін. Бұл Лос-Анджелестегі бірінші жекпе-жегім. Жанкүйерлеріме алғыс білдіргім келеді", - деді кездесуден кейін Головкин.

Бұл сайыс алдына жан салмаған Головкиннің 2014 жылғы үшінші, ал кәсіби рингтегі 31-жекпе-жегі. Қазақстандық боксшы орта салмақтағылар арасында чемпион атағын WBA бойынша 12 рет, IBO  9 рет қорғады. Сонымен қатар, ол мерзімінен бұрын 18 жеңіске жетіп, 28 қарсыласын нокаутқа жіберді.

Естеріңізге сала кетейік, WBA мен IBO нұсқасы бойынша әлем чемпионы атағын жеңіп алу жекпе-жегі 19 қазан күні АҚШ-тың Калифорния штатының Карсон қаласының StubHub Center аренасында өтті. Бұл сайыстың екінші раундында Головкин жеңіске жетіп, Рубионы есінен таңдырды.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай