Головкин - Альварес жекпе-жегі АҚШ-та 400-ге жуық кинотеатрда көрсетіледі

05 Қыркүйек 2017, 10:51
0
Головкин - Альварес жекпе-жегі АҚШ-та 400-ге жуық кинотеатрда көрсетіледі - © HBO.com
© HBO.com

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) арасында 16 қыркүйекте өтетін жекпе-жек АҚШ-та 400-ге жуық кинотеатрда көрсетіледі. Бұл туралы Golden Boy Promotions промоутерлік орталығының директоры Оскар Де Ла Хойя ESPN арнасына берген сұхбатында айтты, - деп хабарлайды Vesti.kz.

Кинотеатрдағы көрсетілімдер HBO PPV арнасы арқылы трансляцияланады және жергілікті уақыт бойынша 20:00-де (Астана уақытымен 17 қыркүйекте 09:00-де басталады. 

"Канелоның" Головкинге қарсы жекпе-жегі - бұл көптен күткен кездесі. Ол миллиондаған жанкүйерді бірнеше уақыт бойы елеңдетеді. Сіз оны үлкен экраннан тамашалайтын болсаңыз, бұл оданда күшті әсер беретіні сөзсіз", - деді Де Ла Хойя. 

Айта кетейік, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді.

Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай