Головкин Брукпен кездесуі жайлы: Бұл мен үшін спарринг сияқты болды

11 Қыркүйек 2016, 08:25
0
Головкин Брукпен кездесуі жайлы: Бұл мен үшін спарринг сияқты болды - Головкин-Брук жекпе жегі. © REUTERS
Головкин-Брук жекпе жегі. © REUTERS

Геннадий Головкин ұлыбританиялық Келл Брукпен өткен кездесуде жеңіске жеткен соң өз салмақ дәрежесінде кез келген боксшымен жұдырықтасуға дайын екенін айтты. Бірақ бірінші кезекте Билли Джо Сондерспен кездескісі келетін мәлімдеді, - деп хабарлайды Vesti.kz.

"Лондонға және менің барлық жанкүйеріме рақмет. Келл жақсы боксшы. Оны құрметтеймін, оны осыншалық мықты боксшы деп ойламадым. Бұл маған спарринг сияқты болды. Соққыларды онша сезбедім. Мен оның орта салмақ дәрежесіне көшуіне барымды салдым. Енді мен кез келген жекпе-жекке дайынмын. Ең біріншіден, Билли Джо Сондерспен жұдырықтасқым келеді"", - деді Головкин.

Ал Келл Брук өз кезегінде рингке қайта оралатынын мәлімдеді. "Көңілім қалды. Одан бұдан да мығым соққылар күткенмін. Иә, екінші раундта көзіме дәл тигізді. Ешкім онымен жұдырықтасқысы келмейді, ал мен тағы шыққым келеді. Ашыла алмадым. Шынымды айтсам, бірнеше соққыдан кейін ешқайда қашып құтыла алмадым. Орта салмақта өзімді жақсы сезінемін. Бар мүмкіндігімді көрсете алмадым. Сауль "Канело" Альвареспен кездесуге дайынмын. Бапкер сырттан қарап тұрғандықтан, ол дұрыс шешім шығарды деп ойлаймын, бірақ мен жекпе-жекті жалғастыруға дайын едім", - деді Брук.

Айта кетейік, орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин жартылай орта салмақта IBF нұсқасы бойынша әлем чемпионы ұлыбританиялық Келл Брукті бесінші раундта нокаутпен жеңді.Сондай-ақ, кездесу алдында жағымсыз жағдай болды. Ағылшын көрермендері Қазақстанның әнұраны орындала бастағанда ысқырып, құрметсіздік көрсетті. Sky Sport телеарнасы отандастарының бұл әрекетін тәртіпсіздік деп сөкті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай