+7 (777) 001 44 99
ПОДЕЛИТЬСЯ
Бапкер Абель Санчес қазақстандық Геннадий Головкин мен мексикалық Сауль "Канело" Альварес арасында жекпе-жек өтетініне сенім білдірді, - деп хабарлайды Vesti.kz сайтының қазақ бөлімі.
Бапкер Абель Санчес қазақстандық Геннадий Головкин мен мексикалық Сауль "Канело" Альварес арасында жекпе-жек өтетініне сенім білдірді, - деп хабарлайды Vesti.kz сайтының қазақ бөлімі.
"Команда ретінде Головкин - Альварес жекпе-жегіне өтетініне сенімдіміз. Бұл бокс әлемі үшін қажет. Оскар Де Ла Хойя (Альварестің промоутері) сөзінде тұрады деп ойлаймын. Біздің промоутер Том Леффлер келіссөз үзілмегенін айтты, бұл жақсылықтың нышаны. Не боларын күтейік. Бұл жұдырықтасудың өтуін сұраудан таймаймыз", - деді Санчес ESPN Deportes басылымына берген сұхбатында.
Еске салайық, Головкин мен Джейкобс арасындағы жекпе-жек 18 наурызда Нью-Йорктегі Madison Square Garden аренасында өтеді. Қазақстанда жекпе-жек "Қазақстан" және KazSport арналарынан көрсетіледі. Ал Альварес мамыр айында жерлесі Хулио Сезар Чавеспен жұдырықтасады. Де Ла Хойя Головкин мен "Канело" 2017 жылдың қыркүйегінде шаршы алаңға шығады деп уәде берген болатын.
Мұның алдында Санчес алдағы жекпе-жектер немен аяқталарына болжам жасау қыин екенін айтқан. Бапкер "Канелоның" Чавеспен жұдырықтасуын түсінбейтінін, алайда, бұл жекпе-жектегі жеңімпаз "Мексика королі" болатынын айтқан.
