+7 (777) 001 44 99
Қазақша
Русский
English
04 қазан 2019 17:21
Головкин мен Деревянченконың жекпе-жегі қайда және қашан көрсетіледі?
Жексенбі күні таңертең қазақстандық боксшы Геннадий Головкин Нью-Йоркте Madison Square Garden аренасында украиналық Сергей Деревянченкомен жекпе-жек өткізеді. Спортшылар IBF және IBO версиясы бойынша орта салмақтағы екі әлем чемпионы титулына таласады, - деп хабарлайды Tengrinews.kz тілшісі.
ПОДЕЛИТЬСЯ
Жексенбі күні таңертең қазақстандық боксшы Геннадий Головкин Нью-Йоркте Madison Square Garden аренасында украиналық Сергей Деревянченкомен жекпе-жек өткізеді. Спортшылар IBF және IBO версиясы бойынша орта салмақтағы екі әлем чемпионы титулына таласады, - деп хабарлайды Tengrinews.kz тілшісі.
Бокс кешін Kazsport және Qazaqstan телеарналары тікелей эфирде көрсетеді. Трансляция 6 қазанда сағат 6-да басталады. Головкин мен Деревянченко арасындағы кездесу Нұр-Сұлтан уақытымен таңғы 9-да болады.
Мына екі сілтеме арқылы тікелей эфирге қосылуға мүмкіндік бар:
qazsporttv.kz/ru/live
qazaqstan.tv/live
Украина аумағында жекпе-жекті XSport телеарнасының көрермендері, ал Ресейде - "Чемпионат" сайтында алдын ала трансляцияны сатып алу арқылы тамашалауға болады.
Бұған дейін Головкин-Деревянченко жекпе-жегінің тікелей трансляциясын британдық Sky Sports және француз Canal+ телеарнасы жариялаған болатын. АҚШ, Австрия, Бразилия, Германия, Испания, Италия, Канада, Швейцария және Жапонияда бокс кеші мен Головкин-Деревянченко жекпе-жегін DAZN стриминг сервисі көрсетеді. Бұл компаниямен Қазақстан наурыз айында келісімшартқа отырған.
Басты жекпе-жектен бөлек, осы бокс кеші аясында GGG Promotions промоутерлік компаниясының спортшысы екінші орта салмақтағы қазақстандық боксшы Әли Ахмедов өнер көрсетеді.
Показать комментарии
Читайте также
