Жақында Астанада жаңа аудан құру жоспары белгілі болды. Елорда әкімі Жеңіс Қасымбек жаңа аудан қашан пайда болуы мүмкін деген сұраққа жауап берді, - деп хабарлайды Tengrinews.kz тілшісі.
Жақында Астанада жаңа аудан құру жоспары белгілі болды. Елорда әкімі Жеңіс Қасымбек жаңа аудан қашан пайда болуы мүмкін деген сұраққа жауап берді, - деп хабарлайды Tengrinews.kz тілшісі.
"Бұған дейін "Алматы" ауданын бөлу арқылы Астанада жаңа аудан құру жоспарлары туралы хабарланған болатын. Ол құрылған кезде қалай аталады?" - деп сұрақ қойды Tengrinews.kz тілшісі әкімнің "Алматы" ауданы тұрғындарымен кездесуінде.
"Бұл аудан биыл құрылады. Бірақ алдымен біз мұны әлі де егжей-тегжейлі талқылауымыз керек: бұл аймақтың шекаралары, мүмкін атауы және т.б. Қазір сізге нақты айта алмаймын. Мұның бәрі осы аймақтың жұртшылығымен одан әрі талқылануы керек. Биыл бұл жұмысты аяқтауды жоспарлап отырмыз", - деп жауап берді Жеңіс Қасымбек.
Шенеунік жаңа аудан құрудың неге қажет екенін де түсіндірді.
"Аудан ("Алматы" – еск.) қарқынды дамып келеді, қазірдің өзінде 400 мыңға жуық тұрғын бар, стандарттарға сәйкес жаңа әкімшілік бірлік құруымыз керек", - деді елорда әкімі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
