Әлем чемпионы Геннадий Головкин (42-2-1, 37 КО) IBF нұсқасы бойынша міндетті үміткер бразилиялық Эскива Фалькаомен (30-0, 20 КО) жекпе-жегін Қазақстанда өткізуі мүмкін, - деп хабарлайды Tengri Sport. Жекпе-жек мерзімі де аталған.
Журналист кіші Вилсон Балдини Twitter-де тараптардың жекпе-жекке келіскенін хабарлады.
"Геннадий Головкин Эскива Фалькаомен жекпе-жекті қабылдады. Жекпе-жек Қазақстанда өтеді. Әлем чемпионы командасы @DAZN_BRA @DAZNBoxing-пен трансляция жасау туралы келіссөздер жүргізіп жатыр. Жекпе-жек наурызда өтуі керек", - деп жазады кіші Балдини.
@GGG aceita luta com @esquivafalcao . Luta será no Cazaquistão. Equipe do campeão mundial negocia transmissão com @DAZNBoxing @DAZN_BRA . Luta deve sair a partir de março.
— Wilson Baldini Jr (@baldoboxe) October 26, 2022
Бұған дейін Головкин келесі жекпе-жекте тек Фалькаомен ғана емес, сонымен қатар орта салмақта WBA-ның тұрақты чемпионы, тағы бір танымал кубалық боксшы Эрисланди Ларамен (29-3-3, 17 КО) кездесуі мүмкін екені белгілі болған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
